幸福班戟 (已結業)

幸左試幸福pancake好耐喇，次次都因為條人龍而嚇怕左。weekend見有好多時間，身痕去左排😂其實都等左九個字咁滯，如果遲啲有得拎飛嗌號碼就好喇！我地嗌左個原味嘅幸福pancake同奶茶pancake share食。賣相唔花巧，好平實。一食落口果種即溶口感真係好食到難以形容，只可以話真係feel到幸福感！加上濃郁蛋味奶味，加少少糖漿簡簡單單已經令人食唔停口！我地一致覺得原味係好味啲，因為奶茶果款偏甜而且食唔出奶茶味，但就多左啲穀麥增加左口感！一人食一碟真係非常飽，完全可以當正餐食！幸福pancake暫時係我食過之中排第一一定會再黎食，想試晒唔同味呀！