諾亞半熟蛋糕專門店

因為睇到網上啲人既讚，加上呢度好多人都話好食，加上啲相好引人胃口，於是今日收工之後入左荃灣買，本身想買草莓戈款，但見食評話普通，咁就買左香蕉融心芝士呢款，店員都比左亁冰我，但我經過一個幾鐘返到家，啲冰已融，不過件蛋糕都無事，可能依家天氣熱，入正題，我因為唔係即食，放番入電櫃，食時擺左係室温半個鐘，就開餐喇，啲人話好清新，唔會漏，唔會滯，我覺得好漏，好滯，啲芝士…香蕉味好出?我覺得一般喇，香蕉奶油芝士感漏，最多食到半個，之後都食唔落，甜就唔算甜，算係清淡，但真係漏，要飲番杯茶.都會想試埋士多啤梨戈款，因為我中意士多啤梨，不過唔會專登再買，得閒先喇，覺得佢名氣大過實際咁，我太高期望，結果就普通咁…