金功夫點心火鍋 (已結業)

星期日指定動作，同家人去飲茶，因為去開果間最近裝修，唯有試下新野，點知有驚喜，會再返黎食。酒樓環境很好，有落地玻璃，柔和的光線從外透入，感到星期日的休閒。點心都不令人失望，首先鮮蝦春卷，炸好就呈上，熱騰騰的感覺真好，另外配的沙律醬是自家制；鮑汁鳳爪聽個名已經夠勁，同普通食開既有點不同，就係用鮑汁餣，非常入味，鳳爪大隻，我一個人都食左3隻；酒樓推出一蚊一隻蝦餃點可以唔試，蝦餃皮晶透，蝦餃足料；而金錢肚同薑蔥牛柏葉也不錯；到介紹我最愛菠蘿叉燒包，真係一個好好既配搭，香甜脆的菠蘿包中有足料的叉燒包，比起傳統叉燒包多一種口感，真係一次過有兩個層次的滿足感。最後叫左一個無花果木瓜燉白肺，材料多到就黎見唔到d湯，解左一個星期的悶氣。