影片
更多
2020-10-18
2963 浏览
對香港人嚟講大概打邊爐無分季節，每次朋友聚會都離不開打邊爐，而且火鍋店開到成行成市，基本上每次都唔重複，今次朋友就帶我嚟位於雅蘭中心地庫嘅呢間台式火鍋店。有選擇恐懼症嘅兩個人二話不說就揀咗二人套餐，內容豐富之餘仲可以揀獨立鍋，喺呢個時勢實在係非常重要。湯底雖然只有四款，但款款都係店家精選，用心熬製，朋友揀嘅夫妻鍋由牛骨湯頭加入多種香料熬成，味道香濃鮮辣之餘仲有我至愛嘅鴨血同豆腐。鴨血吸收哂麻辣湯嘅精華，又香又嫩滑，非常滋味。我嘅美人鍋亦唔輸蝕，用上葵花雞加上花膠煮成，雞湯飲落非常香濃，帶有黏黏嘅膠質口感，而且花膠亦唔少，非常大方。肉類拼盤有美國頂級肥牛、美國穀飼牛肉、加拿大牛舌同西班牙黑毛豬，質素唔錯，特別係牛舌，味道香濃而且非常爽口。牛筋丸、鮮蝦菜肉雲吞、豚肉黑松露丸同菜肉餃質素都非常高，特別係牛筋丸，牛味重之餘入口彈牙多汁。打邊爐當然唔少得炸魚皮同黃金卷，放入湯底浸幾秒就食得，吸收哂湯底嘅精華，同時亦保留香脆嘅口感。野菜拼盤有粟米、南瓜、蓮藕、紅蘿蔔、薯仔、萵筍、金菇、響鈴、鴻喜菇、生菜、娃娃菜同皇帝菜，樣樣新鮮，非常豐富。雖然食完上面嘅食材已經好飽，但面對我至愛嘅紅薯粉實在係無法
對香港人嚟講大概打邊爐無分季節，每次朋友聚會都離不開打邊爐，而且火鍋店開到成行成市，基本上每次都唔重複，今次朋友就帶我嚟位於雅蘭中心地庫嘅呢間台式火鍋店。
有選擇恐懼症嘅兩個人二話不說就揀咗二人套餐，內容豐富之餘仲可以揀獨立鍋，喺呢個時勢實在係非常重要。
湯底雖然只有四款，但款款都係店家精選，用心熬製，朋友揀嘅夫妻鍋由牛骨湯頭加入多種香料熬成，味道香濃鮮辣之餘仲有我至愛嘅鴨血同豆腐。
鴨血吸收哂麻辣湯嘅精華，又香又嫩滑，非常滋味。
我嘅美人鍋亦唔輸蝕，用上葵花雞加上花膠煮成，雞湯飲落非常香濃，帶有黏黏嘅膠質口感，而且花膠亦唔少，非常大方。
肉類拼盤有美國頂級肥牛、美國穀飼牛肉、加拿大牛舌同西班牙黑毛豬，質素唔錯，特別係牛舌，味道香濃而且非常爽口。
牛筋丸、鮮蝦菜肉雲吞、豚肉黑松露丸同菜肉餃質素都非常高，特別係牛筋丸，牛味重之餘入口彈牙多汁。
打邊爐當然唔少得炸魚皮同黃金卷，放入湯底浸幾秒就食得，吸收哂湯底嘅精華，同時亦保留香脆嘅口感。
野菜拼盤有粟米、南瓜、蓮藕、紅蘿蔔、薯仔、萵筍、金菇、響鈴、鴻喜菇、生菜、娃娃菜同皇帝菜，樣樣新鮮，非常豐富。
雖然食完上面嘅食材已經好飽，但面對我至愛嘅紅薯粉實在係無法抗拒，軟滑爽口，配上香濃嘅湯底超襯。呢間台式火鍋果然係名不虛傳，價錢合理，無論湯底定食材質素都好高，份量亦好足，絕對可以食到捧住肚皮走！
张贴
