更多
2018-12-07
2362 浏览
今日好开心呀!!! 因为BOSS带左我去我想试左好耐既鼎会馆哟!!! 开心好开心呀! 其实鼎爷一共开左二间食店, 铜锣湾果间就系私房菜, 而中环呢间就系食自选中菜, 真系好期待! 鼎会馆系中环H Queen's 23楼, 一上到去就见到鼎爷既纸牌人, 我同同事一齐去左揾佢影相打咭, 好开心~~ 由于事前知会系度食饭, 所以我呢几个星期都特别留意TVB鼎爷既节目 谂住系电视度见到有咩好食同埋想食, 就系度Order了, hahahhah~~~ 鼎会馆环境真系好靓, 每个细节位都尽见心思, 除左天花有大大盏靓靓水晶灯外, 每张枱和登设计都好有时代感, 而且相当有气派 当然最吸引梗系无敌大夜景啦~ 系度食饭真系尽显气势呢~ 仲有, 呢度既服务员服务态度超认真, 而且相当友善, 个人觉得系度食饭系一个好好既dinnig experience! 坐好后, 我们点了菊花, 茶叶清香扑鼻, 淡淡的飘来菊花香, 好舒怀! 看了会餐牌, BOSS 果然考我这里有什么必食和好食, 好啦, 就由我发板! 我点了: 秘制火焰叉烧、怀旧虾多士、花胶杏汁炖白肺、葱香梅菜皇焖和牛肋骨、 北京片皮鸭、生菜
开心好开心呀!
其实鼎爷一共开左二间食店, 铜锣湾果间就系私房菜, 而中环呢间就系食自选中菜,
真系好期待!
鼎会馆系中环H Queen's 23楼, 一上到去就见到鼎爷既纸牌人, 我同同事一齐去左揾佢影相打咭, 好开心~~
由于事前知会系度食饭, 所以我呢几个星期都特别留意TVB鼎爷既节目
谂住系电视度见到有咩好食同埋想食, 就系度Order了, hahahhah~~~
鼎会馆环境真系好靓, 每个细节位都尽见心思, 除左天花有大大盏靓靓水晶灯外,
每张枱和登设计都好有时代感, 而且相当有气派
当然最吸引梗系无敌大夜景啦~
系度食饭真系尽显气势呢~
仲有, 呢度既服务员服务态度超认真, 而且相当友善, 个人觉得系度食饭系一个好好既dinnig experience!
坐好后, 我们点了菊花, 茶叶清香扑鼻, 淡淡的飘来菊花香, 好舒怀!
看了会餐牌, BOSS 果然考我这里有什么必食和好食, 好啦, 就由我发板!
我点了: 秘制火焰叉烧、怀旧虾多士、花胶杏汁炖白肺、葱香梅菜皇焖和牛肋骨、
北京片皮鸭、生菜包鸭崧、两味芥兰煲、桂花黄金炒饭、阿爷芝麻卷
上菜都好快, 而且唔会一上就上好多碟𩠌, 唔错~
秘制火焰叉烧 - 师傅会系你面前用火炉烧叉烧, 一面烧一面有一阵好香既烧烤味道混合肉香飘来, 未食都留口水!
叉烧肥廋度系50/50, 成件叉烧系一层肥膏一层廋肉, 食落去却唔会好漏好肥, 再加上蜜汁加上烧烤既香味, 成件事好完美!
怀旧虾多士 - 原只大虾碌系多士上面, 好吸睛!!! 多士咬落去好脆口, 虾碌大大只好弹牙, 而且啖啖肉, 每人一件好满足!
花胶杏汁炖白肺 - 每盅都唔算平, 近三百元一盅的价钱自有它的魔力~~
杏汁汤头浓香美味, 用上大量廋肉来熬, 再加上白肺同花胶,
口感十足, 食左成盅都唔会漏!
大大件的白肺占左炖盅既一半, 食落去软绵绵好有弹力, 近喉位好脆口, 好好食呀!
另外仲有大大块花胶, 一样滋阴美味, 好想ENCORE (等下次出粮先)
葱香梅菜皇焖和牛肋骨 - 同我地坊间食既牛肋骨好唔同, 呢款比较焖得淋,
食落去好有牛味, 口感有少少似牛腩但又好有口感同0赵头,仲有少少梅菜咸香味道
配埋啲葱丝来说, 无得输!
北京片皮鸭 - 服务员先上一个好有趣既木箱, 原来用来将饼皮来保温
确保食落去热辣辣~
服务员就送来一碟大大既烤鸭, 鸭真系好大只, 好香呀!!! 原只鸭可以片出二大碟片皮,
将刚才既饼皮包着鸭皮和青瓜香葱, 沾啲乳猪汁, 一样好好食呀!
鸭皮底唔会有好多脂肪,
皮真系烤到好脆, 而且鸭肉好嫩滑, 饼皮都好味, 总体来讲系非常好食!
生菜包鸭崧 - 呢款口感就比刚才既油腻一点, 不过都好惹味, 鸭肉再加上少少脂肪
炒出既粒粒镬气十足, 食时再用脆卜卜既生菜包住, 都好香口美味!
两味芥兰煲 - 芥兰条条嫩绿, 用上辣椒来炒有微辣, 用煲整更加惹味~
桂花黄金炒饭 - 好有水准既炒饭!!! 用左好多配料包括碎虾米、带子、虾仁、桂花、菜粒来炒,
整体口感脆卜卜, 虾米同其它配料好脆口又香, 正正~
阿爷芝麻卷 - 最后以好味既菲林卷作结, 芝麻卷相信唔多地方食到了~
呢款充满芝蔴香, 而且甜度适中, 好味~ (唔知讲左第几次好味了~)
返去同妈咪讲, 佢话叫我下月出左粮带佢再食过~
鼎·会馆 Ding's Club 中环皇后大道中80号H Queen's 23楼 T: 23271398
张贴