一行6人坐底即喪剔點心，當然係有攞晒獎的名物︰酥皮焗叉燒包！
睇落去個皮好似好淋，但食落外脆內軟，叉燒料半肥瘦，不錯！果然名不虛傳！
蝦餃和燒賣味道都係一般，無什驚喜，尤其是燒賣賣相麻麻地。
陳皮牛肉球好味，食得出沒有下太多粉去撈，有牛肉味。
煎蘿蔔糕不錯，吃到粒粒蘿蔔。
盅頭飯只是陪襯，沒有特色可言。
花生豬骨粥沒有豬骨，更沒有豬肉味，失望。
豬潤腸非常爽口，喜歡豬潤的朋友不可不試！good!!
最後推介馬拉糕，兒時的味道，很鬆軟，不太甜，一上碟比我地吃清光，掛住傾電話的同事只可以望籠輕嘆啦！
總結來說，一個人都係$60 ，好飽又免加一，值得給一個lam lam 脷的！
