影片
更多
2021-07-12
396 浏览
9/7星期五我哋四個人大概7:30pm去walk in, 好彩唔洗等位，朋友話呢間新鋪闊落過駱駝漆分店，所以想同朋友舒服D慢慢食住傾嘅最好去呢間分店。 而事實上，上菜速度之慢令我地有充裕時間傾到天荒地老…我哋叫左1個醬油豚肉丼同3個牛油果三文魚丼，除左個醬油豚肉丼之外，牛油果三文魚丼要等起碼半個鐘到先有得食，店員話因為當晚廚房4個都係新人所以冧哂檔，建議冇乜耐性或肚餓嘅人最好有定心理準備。 我朋友叫左醬油豚肉丼，見佢價錢最平，佢唔係”慢煮”所以唔係招牌菜，好彩好快有得食，而且個汁幾好味，唔會好淡，但啲肉全部肥膏黎，可能有人會話豚肉梗係會有肥膏，但其他地方食既豚肉飯最多係肥肥地，唔係齋肥膏，我朋友食食吓都唔敢再食落去。本以為慢工出細貨，個慢煮三文魚丼應該唔差，點知係淡而無味，雖然三文魚外面僅熟內生，恰到好處，但食得出只有少少鹽調味，得一兩滴甜甜地嘅醬油係面，加上溫泉蛋同牛油果本身又係淡味，我自問食野唔重口味，都頂唔順問店員攞支岩鹽加料先食得落。如果有多啲汁/日式醬油會好食啲，牛油果大概只有半隻中size牛油果嘅份量，作為牛油果控嘅我係絕對唔夠喉。反而個麵豉湯就偏鹹，如果兩樣野balanc
而事實上，上菜速度之慢令我地有充裕時間傾到天荒地老…我哋叫左1個醬油豚肉丼同3個牛油果三文魚丼，除左個醬油豚肉丼之外，牛油果三文魚丼要等起碼半個鐘到先有得食，店員話因為當晚廚房4個都係新人所以冧哂檔，建議冇乜耐性或肚餓嘅人最好有定心理準備。
我朋友叫左醬油豚肉丼，見佢價錢最平，佢唔係”慢煮”所以唔係招牌菜，好彩好快有得食，而且個汁幾好味，唔會好淡，但啲肉全部肥膏黎，可能有人會話豚肉梗係會有肥膏，但其他地方食既豚肉飯最多係肥肥地，唔係齋肥膏，我朋友食食吓都唔敢再食落去。
本以為慢工出細貨，個慢煮三文魚丼應該唔差，點知係淡而無味，雖然三文魚外面僅熟內生，恰到好處，但食得出只有少少鹽調味，得一兩滴甜甜地嘅醬油係面，加上溫泉蛋同牛油果本身又係淡味，我自問食野唔重口味，都頂唔順問店員攞支岩鹽加料先食得落。如果有多啲汁/日式醬油會好食啲，牛油果大概只有半隻中size牛油果嘅份量，作為牛油果控嘅我係絕對唔夠喉。反而個麵豉湯就偏鹹，如果兩樣野balance返就好。
整體而言今餐飯令我哋失望，但從食材嘅質素同店員態度睇得出呢間係有心經營嘅小店，值得支持，希望員工上左手後可以改善上菜速度。
张贴