阿爺燒鵝餐室 (已結業)

總是覺得賣點是什麼，店名是什麼，就應該專業於什麼，所以，見到燒鵝店，自不然就覺得應該食燒鵝啦。只不過，我們對鵝這種食材，會是有其他選擇就更好的心態，所以吃了幾次阿爺燒鵝，我們都是吃燒鵝以外的食物。雖然間舖開冇耐，不過已經有好多捧場客，是不無道理㗎～佢哋主打係燒鵝，不過啲燒鵝係咪真係好食就真係見仁見智啦。我哋都覺得佢嘅燒腩仔先真心一流！叉燒就一時時，叫咗肥叉，上到檯都未必真係肥。好似今次呢個，真係瘦到咬唔到咁滯。不過啲燒腩仔真心好味，每次我都會忍唔住偷男友一兩件過過口癮。層皮燒得好脆，啲肉好肥美，入口又有肥膏滿足，好正！不過係好高卡路里，小女通常食一兩件就要收口。我喺呢到鍾意食嘅係燻蹄海蜇飯～成碟嘢，喺女人嘅心裡面都係想到三個字：“骨膠原！”不過啲燻蹄都係一時時，今次都係爭緊啲，不過點埋個汁都幾好餸飯。雖然佢個名係叫做阿爺燒鵝，不過奉勸各位，不如食其他，每樣嘢嘅質素都會有參次，但點都好過件燒鵝。