到昨日晚我提早約10分鐘去到攞位，明明見到餐廳當時大把位，我是有提早訂位都唔安排我坐喺這主鋪，經理叫職員反而帶我去街口轉彎附近另一分店，本是安排坐入門口左邊第二張抬，我話人數得4人，職員改叫我坐喺左邊入門口第一張枱，越坐覺越唔妥，因門長開不關，坐位對正街口，大風又食塵，間鋪本身無廚房，要靠侍應喺隔離鋪，攞食物過來上菜，雖是有用蓋遮住，但侍應不停出入，坐得唔舒服又不自在。我幾個朋友來到，同侍應講轉枱，叫我們睇入面可以換個張枱，但係對正廁所，無選擇下同我們換返左邊入門口第2張枱，但要求侍應將原本由3張2人枱組成的6人枱拉開一張2人枱變4人枱，將個張枱拍去隔離個張4人枱，怎知個侍應話拉開張枱會搞到枱與枱之間通道很窄，影響會阻住門口出入，我自己及朋友睇過話根本個張枱拍過去枱之間通道都唔窄，還有空間，且還與門口有些距離，是有足夠空間。見個侍應唔係好想幫忙，於是我們要求走返去原本個間正鋪睇下再同職員講，見還有空枱，問過也未有人訂，喺我朋友爭取下，終於被安排坐到較合理的座位，由這件小事看到安排座位給客人的服務做得很差，有訂位等於無訂位，新的好位置嘅大鋪嘅位給walk in 客，訂咗位嘅客要去間稍舊又細又窄嘅鋪食，竟然咁樣安排給訂咗位嘅客，實在離譜。
到用膳時，食物上菜速度是很快，有些菜式賣相還可以，我們也點了餐牌內一些說明是必食，熱賣，推介的菜式，不過有些味道還可以，其他真是很一般，無乜味道算不上好食，本來都不太滿意，不過又再發生令我們更不滿的事。有侍應見我們食完，問完我們可以收拾枱面的碟及餐具，怎知讓她收嘢，竟然睇到一些很難睇的場面，她把我們各人用的碟收好疊起，然後用紙巾及叉匙把食物殘渣撥去另外一個很大的已食完之前載明爐魚的不銹鋼碟，這樣的動作做了持續超過都有10多秒鐘，收嘢唔係問題，問題係你收碟後，喺客人面前將所有客人的食物殘渣很徹底地逐一清理乾淨，客人未走枱面還有水杯，而且動作很大時間長，看到清理的場面覺很噁心，這樣很影响客人觀感。
最令人生氣的是，後來有侍應話見我們食完，要我們即刻埋單走人，似係趕客，問她我們若如想加單也不大想，只想我們快些結賬離開，未幾即時印張單拎過來去我朋友度，跟著又話因星期六比較多人來食嘢，不能讓我們再座，若果真是不能讓客人食得耐，要限時的話，應在入座時說明，而不是等到客人剛食完後，突然間要人埋單走，這樣的服務態度真是很差，而且這樣的價錢質素絕對唔抵食，都唔明點解咁多人話好，樣樣都唔掂，咁樣的質素都攞到必食得獎熱店，真係無厘頭離哂譜，這餐食到很谷氣。以後都唔會來光顧😠
補充各項吃過菜式的評語
1. 2個冷盤柚子蝦沙律及酸辣鳳爪- 味道不錯可以接受。
2. 4款串燒-雞，豬，牛舌，雞軟骨，都OK
3. 冬蔭公雲吞湯-都夠味道，雲吞很大粒
4. 炸芝心蝦丸-很大粒像網球，蝦味不濃，且芝士饀無流心。
5.煎蠔餅-用鐵版上，出來很多粉槳蛋皮邊，很油膩，味道麻麻。
6.香芒海鮮炒飯-很普通平凡的炒飯，少海鮮，芒果很少，無特別，味道一般。
7. 明爐香擰汁桂花魚-不過不失
