Oliver's Super Sandwiches (已結業)

 Thai Lemon Chicken & Zucchini with Cheddar Cheese on Ciabatta Iced Green Tea Caffe Latte平時食開佢哋嘅焗薯都唔錯，今次見有張 coupon 所以嚟試下佢哋嘅三文治。真係抵讚，$76 個三文治（套餐價），竟然可以整到同出面 $2，30 蚊嗰啲差唔多，唯一嘅分別就係出面三文治入面啲芝士唔會有怪味。我喺1：45嗰陣時買，發現到兩點轉下午茶餐嗰陣時，同一個餐竟然可以貴多8蚊。落咗外賣之後，等咗8零分鐘度嘢食就到。呢間嘢攞外賣嘅方法都比較混亂。落咗柯打之後佢哋就會俾個有個 number 喺上面嘅牌仔你，之後你就要是但揀個位，嘢食一搞掂之後就會有個侍應一路行來行去一路嗌你個 number，你就要舉手同佢講。雖然係咁，佢嘅態度都幾好，個侍應畀我揸實包嘢之後先放手，唔係好似出面啲茶記格硬兜嘢塞落你隻手之後就走咗去。下次嚟到，都係食返佢哋啲焗薯好過。