五十嵐日本料理 (已結業)

是日大哥放假，呀媽問佢夜晚想食咩，佢話食大家樂既焗豬扒飯，所以自然夜晚就唔煮飯啦...呀哥就食大家樂，而我就食大家樂對面既五十嵐啦...今次我要左血池地獄拉麵，要轉手打烏冬，飲凍柑桔檸蜜，呢個係跟餐送唔洗加錢...湯同烏冬+餸係分開裝...蛋同青口我無食，不過隻青口都幾大隻...蟹柳係一條切開兩小半，普普通通...個4大塊肉，一開始睇以為係腩肉哈哈...點知原來係叉燒黎，甜甜地都幾好味 呢個湯真係笑左，都唔可以講話唔辣，但對於我黎講只係小辣，如果講到血池地獄就真係誇左d...可能我要求太高啦 不過呢個湯除左小小辣之外，仲幾咸 下次都係唔好貪得意試新野@@