陳光記 (已結業)

鼎鼎大名早就聽過了，可惜去親澳門都有長長的美食名單要食，永遠都未搵到藉口去試，既然來了香港開業，就難搵藉口唔試了。從小到大，家庭聚會如果吃燒鵝要到深井才是王道，但近年陳記能記等等知名店，水準與服務都在下滑中，而且下滑速度頗快。近期水準比較上佳的，可算是元朗天鴻，然而，黑椒燒鵝真係未試過，聽個名就真係幾吸引。今晚選擇買個例牌返屋企坐企慢慢品嚐，返到屋企仍熱算熱，雖未至於現場上枱咁熱辣辣，但起碼足夠溫熱了。鵝味係有的，但唔算濃，咬落亦鬆化不足，的確黑椒味係多而濃的，可能呢個係澳門風味，但個則人口味唔太合了，我會寧願食返甘牌，能記，天鴻.....etc了。