海鮮島墨魚刺身專門店

营业中

休息中

布袋澳承載咗好多我同屋企人食海鮮嘅回憶，貨真價實、定價公道。 原來夜晚收工入嚟都人頭湧湧，實測咗一次都唔錯幾方便。上湯龍蝦伊麵簡簡單單，連粉都唔洗上，開邊見啲龍蝦肉飽滿到爆曬出嚟就知好食。 連腳都滿哂肉，啖啖肉彈牙滿足，好鮮甜。墨魚兩食基本上台台都見到，墨魚刺身好爽口新鮮，點wasabi一流。 炸墨魚鬚細細粒爽口彈牙好香口，呢個組合係必叫。豉椒炒蟶子呢個經典組合，基本上都想像到係咩味，個分野當然係蟶子本身嘅質素。 呢度蟶子好似係公價$48/隻，本來擔心比較細隻，但好厚肉大隻，煮得岩岩好夠嫩滑。辣酒煮花螺好惹味，螺肉夠爽，不過唔算好入味，重口味人士可能要落order加辣先夠過癮。