甘味讚岐手打烏冬 (已結業)

來到葵芳行街，我地好多時都會來甘味食烏冬。其實講起上來，我都係睇openrice的介紹先至來認識這間餐廳。講返烏冬，我同大家口味差唔多，我最中意食薄砌肥牛蕃茄湯烏冬，好開胃，酸酸地，好醒神，d烏冬好"煙un"，好有口感。以青檸先生，就中意美國牛肩烏冬，我都試過，好有牛味，但我嫌太貴，要成$58，實在不值。另外，我地都試過咖哩海鮮烏冬，都不錯，不是太creamy，個湯底算係幾清。雖有讚之處，但也做得碼碼地的地方。下午茶時間的不是手打烏冬，唔係太好食，我建議你們加$8轉手打烏冬，真係唔同食法的。下次，我想試下個抄烏冬。多謝青檸先生常常陪我來吃烏冬!!!