老媽拌麵 (THE FOREST) (已結業)

平時食開老媽拌麵都係自己煮，今日要去波鞋街買鞋，見到有老媽拌麵嘅餐廳，去試吓餐廳煮嘅同自己煮嘅有咩唔同🤣午市套餐包咗兩款前菜，今日嘅前菜係小蕃茄同豆角，連一杯飲品，再加一個主食酸辣手撕雞拌麵拌面有兩款俾你揀，我就揀咗關廟刀削麵，因為比較有口感，原來佢既酸係加檸檬汁，岩哂夏天食，加埋手撕雞，真係好味😋之後係屋企都可以參考下咁食，酥炸豬扒肉燥飯可以選擇原味或者秘製微辣既肉燥飯，仲有酸菜係旁邊，真係好開胃，豬扒夠酥脆，新鮮炸起仲好juice ，整體出品都好有水準餐飲選左柚子蜜綠茶，夏天飲好清新，另一杯升級左要冬瓜檸檬🍋，消暑一流呀