壽司豐 (已結業)

今晚同老婆出咗去尖沙咀吃咗間high class 日式餐廳，值得一提，因為整體料理令我留下深刻印象。前菜分別係兩碟醃物，分別係香辣麵豉味嘅醃蒜頭同醃蘿蔔，前者係一般嘅日式餐廳都好少見，食落味道濃郁但唔會有蒜嘅臭味，好醒胃。前菜其中一味係明太子蛋捲配日式番薯同埋日式莆燒鰻魚，番薯味道甜甜地又好甘香，而鰻魚口感肥美，帶有少少焦香，係值得再吃嘅級數。已接住落嚟嘅就係重頭戲刺身三拼，分別有鯖魚拖羅同埋海蝦，鯖魚經過火灼處理，配以特製嘅醬汁塗面，再加上日本蔥點綴, 一口咬落，魚油同醬香喺口內交織爆發，令我驚訝。而拖羅更加係再上一級嘅美食，油脂分佈靚到好似和牛，入口即溶。炸物和牛肉質嫩滑，刺身壽司都用左日本新鮮時令食材，全部鮮甜甘香。最後黎碗熱胃無花果昆布湯同埋甜品作總結，豆腐雪糕無得輸。