Cosmos Restaurant & Bar (已結業)

今晚係我地相識紀念日，呢間尖東的Cosmos好方便好就腳，一搵就搵到。我哋七點去到，人流唔算多，仲有卡位坐地方寬敞又闊落，環境仲好浪漫好優雅一開始係呢個鐵板芝士一口牛，鐵板上檯嘅時候仲熱架，芝士流出來咁。我男友即刻將牛柳粒捲上芝士，變成了醬爆芝士牛柳粒啊!放入口仍然唔會有韌嘅感覺。主菜有「黑松露燒汁燴羊膝」。好好彩羊唔騷又唔韌仲好入味好juicy，火候啱啱好。黑松露燒汁充分滲入羊肉之中，保留到羊嘅鮮味，仲有d番茄同埋薯仔，唔會淨係得肉咁寡!呢個鵝肝配松露忌廉飯，口感一流。鵝肝雖然係煎，但係仲可以保持到入面的juicy口感。Risotto入味之餘夠哂Creamy。去到我最鍾意的甜品環節喇，有朱古力泡芙入面d Cream係即打，唔係空心架。價錢方面，四百幾蚊兩個人，有兩個 Course、小食同甜品，又抵又好食啊!