新明苑宴會廳 (已結業)

今日同爸爸飲茶, 佢住喺聯和墟, 新明苑可以話係必然之選, 樓底光猛, 位置寬敞, 泊車方便. 這間酒樓的茶葉亦非常好飲。 最推介各位首選蝦餃， 蝦餃偏大粒，比一般酒樓都要大，記得蝦餃要放下來兩分鐘後才可吃， 等他的皮先乾了少許， 夾起上嚟份外煙韌， 鮮蝦大粒及脆口， 味道恰到好處。 另外推介燒賣， 豬肉撈得非常入味， 配合潮州辣椒油， 帶出廣東飲茶的精髓， 藥膳雞腳炆得非常軟淋， xo醬煎腸粉香味十足，辣味撲口而入， 牛肉腸粉， 腸皮略嫌厚身，但非常軟滑， 蒸蘿蔔糕味道偏淡，口感偏削， 就算落了豉油，裏面是點不到味道的。 服務質素亦很好，姐姐會主動過嚟清理吉碟，整體感覺非常良好。