Sushi Men x Oyster Men (已結業)

早排去咗一間位於筲箕灣既小店，擁有具特色既店名「Sushi Men X Oyster Men」，名乎其實就係食壽司同食生蠔。店舖既落單牌係一張大過膠牌，十分環保。試咗兩款生蠔，一款係蠔界既勞斯萊斯，法國蠔Gillardeau (No.2)，另一款係Majestic，店主話要先試Gillardeau，再試後者。相較之下，Gillardeau (上) 食落層次比較微妙同豐富，夾雜著新鮮原始既海水鹹味，蠔肉鮮甜，海水味重，係口腔內徘徊不散。而Majestic肉質肥美 (下)，海水味比較淡，但回甘較強。試完生蠔作為前菜，之後當然唔少得我最愛的三文魚，一碟大三文魚腩先可以滿足到我。三文魚腩新鮮，油脂比例均勻，唯獨有兩三塊筋膜未完全清理，但整體上質素不俗。壽司點了兩款特色卷物——牛油果龍蝦卷同軟殼蟹卷。牛油果龍蝦卷牛油果味濃郁，龍蝦鮮甜，食落不膩。軟殼蟹夠脆身，配上碎生菜、千島醬、蟹籽，口感豐富有層次，配搭不錯！最後，點咗一碗細野菜牛肉飯，味道不錯，飯汁配搭得宜，味道合適，牛肉蔬菜份量分配平均，口感正好。由於店舖環境不大，想去食既朋友可以先訂座。