秘 (偉晴街) (已搬遷)

之前喺日本食過吉列牛後念念不忘，知道佐敦都有間，就拉埋友人一齊試。

同友人分別點了日式燒肉同鰻魚飯齊齊share。

定食加$58有齊櫻花金魚湯、流心蛋同貓飯。

1

板燒吉列牛定食

$166

金魚湯外型好得意，食落其實係蝦餃。店員於上菜後提醒要趁熱食，唔係嘅話會好快變硬。個湯飲落味道清淡都唔錯。

流心蛋一分為二，蛋黃有少少流心，味醂甜甜地幾開胃。

主角吉列牛在上碟前外皮已炸成金黃，中間嘅牛肉仲係粉紅色，約2~3成熟。在石板塗上牛脂後燒十幾秒至7成熟左右就可食用。7成熟嘅吉列牛食落皮脆內軟，肉質嫩滑仲帶有少少肉汁，如果沾上醬汁食用更加好味。

鰻魚原條好長好大鋪喺飯面，燒得啱啱好唔會好燶。魚肉厚身，配上鰻魚汁好好味。

蒲燒原條鰻魚定食

$136

整體來說味道同日本食嘅差不多，可以encore。