中村藤吉香港店 (已結業)

之前去日本都有去過中村藤吉，但係香港嗰個都係第一次去，味道同日本好接近，應該大部分原材料都係日本運黎，但係價錢就比日本貴啲，選擇也好似少啲。呢間中村藤吉座落於美麗華，一啲都唔難搵，環境舒適，喺室內排隊亦都唔會出曬汗，等咗差唔多四個字先入得去。我哋叫咗個抹茶芭菲同埋京之精選，賣相真係好豐富，有10層材料：焙茶軟雪糕、果凍、白玉丸子、脆脆玄米、雪糕、海綿蛋糕和鮮忌廉…配料有誠意，真‧真材實料！抹茶茶味濃厚獨特且甘苦，同日本個味道一樣。另外京之精選蛋糕都好好味！但係價位有點兒貴，短時間唔會再食。