同撈同煲

营业中

休息中

今晚去咗裝修扮懷舊嘅同撈同煲開餐，呢度坐得幾舒服，價錢合理。湯底我哋揀咗東甫美人鍋，湯底好多料：雞、冬瓜、桃膠、蟲草花等等，個湯好好飲！！！飲完幾碗先打邊爐，好滋潤～呢度除咗一般火鍋配料，亦有一啲小食。我哋食咗炸豆腐，加咗少少七味粉調味，惹味香口，係一個唔錯嘅下酒小食。安格斯牛肉都唔錯，大大碟，分量十足；牛肉睇得出好新鮮，色澤靚而且油脂分布均勻，牛味又香濃。之後仲食咗牛丸、即炸響鈴、豬腸等等。即炸響鈴係必食推介，浸湯好好味。食飽飽之後有甜品送，係懷舊啫喱杯~ 下次同小朋友一齊嚟食。