漁港艇仔粉 (鴨脷洲大街) (已搬遷) 新店位置

由於趕時間關係，我預先係11:00am用電話叫定外賣，我分別叫左”XO醬蔥油撈麵”同”艇仔粉”，個男侍應已經粗聲粗氣，問佢可唔可以少啲XO醬話一早調定冇得少，Ok。我再問係咪有包飲品，佢話你加錢咪有，Ok。究竟個侍應係失戀定唔多夠訓導致態度咁差？好啦，啲食評講到個艇仔粉又講到不得不嘗又剩，我就試下啦，嘩 啲菜生到硬過我條命，Ok。我再試下個湯啦，完全唔係魚湯黎，腥到成個口都係個陣味，Ok。再試下舊燒鴨唔似燒鴨既鴨肉啦，嘩 鞋過我個手爭。有冇搞錯我再試下個所謂XO醬冇蔥油既撈麵啦(附圖)，同我叫我淨麵有乜分別？收我$4X？抄人地漁船個啲艇仔粉又抄唔足，態度又差，又貴，成餐lunch真係唔知食過乜。請大家如果想嘥錢嘥時間唔係好肚餓都唔好去食，因為真係會食到成肚氣。