王子飯店 (已結業)

有日同朋友到北京道一號10/F X 樓飲茶，但去到發覺環境太嘈，因我同朋友是有生意傾，所以為有轉換地點，之後在同一大廈睇下有無合適地方，最後撰擇王子。之前都有睇過食評，因我本身都是在旺角開餐廳及作連鎖管理，所以經常都有睇(開飯)而我記得寫這裹好貴及無服務，但當時最重要搵個好環境傾生意，所以就選這裡。因為環境又係幾好。當睇到Menu時價錢又真係唔平，中上價錢吧！一個小點$15蚊，唔算平、不個又唔係好貴。服務都還可以，因為我食完飯後有幫我換熱茶。食品味道就OK哪？不過有一個真係好香好好味，叫做秘製三杯雞煲，真係好味，大家一定要試下。整體上都算OK，在尖沙咀旺區價錢都算合理。因為租金都應該唔會平得去邊？