Oliver's Super Sandwiches (已結業)

真係n年冇食過Oliver Sandwich，細個食嘅時候覺得佢好好食嫁。今次去開又一城見佢近地鐵站就想去回味一下，但同細個食過嘅感覺有出入呀。西餐白湯係蘑菇湯，入面有好多蘑菇粒，湯唔會太杰，上嘅時候仲有橄欖油同少許松露浮面，賣相唔錯，係今餐最好食的。白汁蘑菇三文魚意粉就唔太掂。主要係個醬唔係太好食，料同分量都足但$7x 一個意粉expect 佢好d。伴碟沙律都幾好食。有麵包粒，煙肉粒，芝士薄片，適量沙律醬。但個車打芝士牛肉焗薯就麻麻地。感覺佢唔係新鮮焗好。入面d薯仔一粒粒實哂，芝士醬都可以再多d。