東羅 泰館 (已結業)

今日太肚餓啦，就同同事過咗去海匯食lunch，一上到去平台見到呢間店冇乜人，因為又熱又太肚餓唔想再行去揀就即刻衝左入去，點知一見到張餐牌冇乜嘢食費事行返出去，但係同事想食豬手店員話賣晒，更加少選擇，最後我揀咗個泰式肉碎炒飯，賣相係幾靚，但係同我想像中唔一樣而且同我喺出邊食嘅都唔一樣，是就咁啲飯加啲汁撈埋一齊，有啲失望，肉碎冇幾多粒只係多咗個蛋，啲飯真係炒得好麻麻，但係佢加$15有杯泰式奶茶，好彩呢杯奶茶都幾好飲，如果唔係因為杯奶茶應該可一不可再。