塚田農場 (已結業)

我好兄弟-阿強，強哥非常鍾意食日本菜，今次我哋約咗周末下午出嚟聚會吹水，搵到咗呢間唔錯 嘅居酒屋，唔止可以睇海景，地方仲好大，環境好舒服，可以喺度傾偈一段時間。睇菜單，呢度有火鍋食，有酒飲，仲有各式各樣嘅日本菜，選擇都幾多，唔會怕搵唔到啱心水嘅。 阿強哥好快就落order，一下子就搵到鍾意嘅。因為係下午午餐時間，所以佢哋有lunch set，我哋坐咗靠窗有海景嘅位，然後點咗佢哋好有特色 嘅兩個set lunch。和牛燒肉飯御膳同五色刺身御膳，入面除咗主菜，佢哋仲有畀咗啲小菜同配菜。和牛燒肉飯御膳嘅和牛燒得好香，睇阿強食住非常誘人，然後蓮藕片炸得好脆，阿強咬住藕片聲 音非常酥脆，仲非常下飯，睇阿強一口接一口，冇停過。然後我叫嘅五色刺身御膳，從賣相顏色上睇就非常惹味，有各種唔同嘅海鮮刺身包括三文魚，赤 身，油甘魚，帶子同赤蝦，口味上非常豐富，每樣海鮮都真係好鮮，都微微帶一啲海鮮獨有嘅甜 味。每一口都好似帶我去咗日本咁。好多謝阿強哥同我嚟吹水食飯，呢度真係好放鬆。