元気寿司 (已結業)

成日都話，屋企樓下細商場做街坊生意，D野都係冇咁好味的。之前話我家樓下間板長，同婆婆家樓下間板長比已經差得遠，大商場的真係好食D，細商場果D師父完全係Hea做。今次又一個實例啦，元氣，嘩，朗豪坊果間D壽司，係食到三文魚同吞拿魚既分別的；我家樓下，無論你點邊隻魚，都係冇味的。
初初就話有架火車好過癮，玩多2次後，都係覺得迴轉既好D。當然，可能係因為旺區，食材去得快，所以新鮮D。迴轉放出黎都好快比人清晒。

食晒先記得冇影相....

仔都算鍚住我銀包，因為係食Lunch，佢都知我唔會預食得貴。叫左2碗烏冬食，跟住2個人加埋叫左十碟壽司左右。為起每人都係100蚊多D，可接受啦，而且今日既水準，比平時在家樓下食果D真係好N倍，感覺又抵食D；其實真係塊魚生都大塊D架。