牛一 (始創中心) (已搬遷) 新店位置

琴日同媽咪去咗始創中心行街，發現地庫個層開咗間新嘅牛一，好彩一早6點就嚟到，所以唔洗等位。點咗$148蚊ge任食，雖然係最平，但D牛肉完全唔鞋口，真心正! 湯底就揀咗清酒牛蒡雞湯同季節限定嘅淡忌廉湯，比較鐘意淡忌廉湯，香滑清甜，配牛牛都幾夾，而湯底泡過多款食物後亦唔會太油膩。店員又介紹，做會員有日本蟹鉗同日本甜品Mochi送，就唔執輸即場入咗會。火鍋配料幾多野揀，有丸類、蔬菜、粟米、烏冬等。甜品款色亦非常多，仲有細細件嘅Cake仔，剛好一啖一件，份量岩岩好，可以攞多幾款試添，而最開心係唧乳酪同雪糕，仲有好多色彩繽紛嘅Toppings自選，好滿足。