非凡小廚 (已結業)

今日叫左媽媽唔好煮飯休息一下，去左屋企附近搵食，本身媽媽都愛食小菜，所以去左依間有得叫餸食飯既小菜館食晚飯。一黎到店內已全場滿座，我地兩個等左一陣就有枱可入座店內設有電視，可以睇住電視送飯一流，最後我地叫左三道菜同一碗白碗一齊食，少飯多菜最好不過先上依道秘製茶香雞半隻，離遠已聞到好香茶燻味，雞肉煮得剛剛好，骨位仲有少許紅，先食第一口，口感嫩滑軟熟，濃郁既茶香味，有少少似煙燻火腿既味道，再點下蒜味醬汁，更加滋味然後再來椒鹽軟殻蟹，本身我同媽媽都好愛食軟殻蟹，依度既軟殻蟹以中式炸法炸成，外皮酥脆，軟殻蟹味亦幾香，食到停唔到口，夠哂惹味食完肉點少得菜，叫左依道家鄉小炒王，蒜芯、魷魚鬚、蝦乾同腰果一齊炒煮，食落好香好惹味，送飯一流啊食飽飽再同媽媽叫左杯大檸茶，真係啤酒杯咁大杯，飲落同茶餐廳既一樣味道，爽啊整體而言，菜式選擇多，食物味道唔錯，價錢合理份量多，店員亦好有禮貌，仲有大枱比大班人黎食可以叫多點菜齊齊開心食