同媽咪兩個叫咗個二人餐，餸菜、湯類、小食、飯、連八寶茶都包埋。
招牌時菜獅子頭 - 肉泥肥瘦適中，咬落去唔會滿口油膩，但又近乎入口即化。時菜浸左喺有肉汁嘅獻汁裏面，甜而不漏。
酸辣湯 - 酸辣度同質感適中，用料豐富，每一啖都有湯料，大大碗可以分成四至五碗。
菜肉雲吞 - 自家製嘅菜肉雲吞，菜肉嘅份量恰當好處，雲吞皮同餡料唔會互相搶咗對方嘅味道。湯底仲保持童年時食開嘅味道。
二人餐確係抵，包埋兩碗白飯，兩盅八寶茶。八寶茶益氣補血，啱晒我同媽咪飲。湯料非常豐富，清甜消滯。阿姐係留意到我差不多食完先至奉上，呢種就係阿姐外冷內熱嘅細心～
