影片
更多
2011-12-28
26 浏览
呢餐生日飯要等足壽星過咗生日一個月先食，冇辦法啦，上次唱Ｋ慶生晚又唔夠時間食，之後Ｄ時間我同朋友都就唔啱夾唔到，唯有等一個月後先食到啦。雖然隔咗一個月，不過依然揀返去The One８樓的「Full/Half」食，我揀呢間嘅原因好簡單，環境舒服和我地未一齊食過西餐。呢晚我地７點正入坐，因為我冇預先Book位，所以只有門前果兩張枱可坐，咁我地咪坐入Ｄ果張囉......唔醒起要Book位真係衰，因為我就係鍾意裡面Ｄ位我先揀呢間去食啫，點知今次要坐出面....。以下係我地最後揀的晚餐：好友揀咗Set Dinner： (A+B+C+D) $178Ａ：地中海沙律 (Insalata Mediterranea)Ｂ：黑松露菌忌廉湯 (Cream of truffle wild mushroom soup)Ｃ：有機意大利墨汁闊麵. 烤鮮蝦拔蘭地忌廉汁 (Organic Ink Fettuccine w/ french prawn & brandy cream sauce)Ｄ：凍朱古力咖啡 (Iced Caffe Mocha)我揀咗：① 燒黑胡椒吞拿魚. 香草芥末汁 (Grilled blackpeppe
雖然隔咗一個月，不過依然揀返去The One８樓的「Full/Half」食，我揀呢間嘅原因好簡單，環境舒服和我地未一齊食過西餐。
呢晚我地７點正入坐，因為我冇預先Book位，所以只有門前果兩張枱可坐，咁我地咪坐入Ｄ果張囉......唔醒起要Book位真係衰，因為我就係鍾意裡面Ｄ位我先揀呢間去食啫，點知今次要坐出面....。
以下係我地最後揀的晚餐：
好友揀咗Set Dinner： (A+B+C+D) $178
Ａ：地中海沙律 (Insalata Mediterranea)
Ｂ：黑松露菌忌廉湯 (Cream of truffle wild mushroom soup)
Ｃ：有機意大利墨汁闊麵. 烤鮮蝦拔蘭地忌廉汁 (Organic Ink Fettuccine w/ french prawn & brandy cream sauce)
Ｄ：凍朱古力咖啡 (Iced Caffe Mocha)
我揀咗：
① 燒黑胡椒吞拿魚. 香草芥末汁 (Grilled blackpepper Tuna Salad) $55
② 新鮮海蝦. 兩色莎莎 (Tiger Prawn Salad) $50
③ 自家品牌咖啡 (House blend Coffee(Full)) $26
其實本來上面揀嘅都唔係我地想揀架，本來唔係叫餐的，但原來晚市冇Sandwiches，想飲意大利雜菜湯又冇，最後的咪同好友講如果真係想食意粉的話，叫餐係抵食好多嘅，所以佢咪唯有叫餐囉。
而我本身都打算叫沙律嘅，只係想叫多個Sandwiches同湯啫，冇供應都冇辦法啦，所以咪叫多個沙律同咖啡飲囉。
搞吓揀吓諗吓，結果坐低揀咗２０分鐘先點餐完成呀。
我飲咗朋友個＜黑松露菌忌廉湯＞一啖，唔覺有黑松露菌味，不過一啖已經成口菌係口，都幾好味。
＜意大利墨汁闊麵＞都幾彈牙，我用自己的海蝦沙律同佢換咗一隻蝦食，都幾好喎，比我的蝦淡少少，但個汁係好食嘅。不過佢杯凍Mocha我都飲咗一啖，好似好淡冇啡味朱古力味又淡喎。
至於我果兩個沙律就勁咯，因為我見到兩款嘅份量都好少，心諗：死喇，咁少嘅，夠唔夠食呢？慢慢食吓傾吓，食到最後剩返一隻蝦同吞拿魚時其實已經覺得有Ｄ飽，連我自己都估唔到係咁襟食嘅。最搞笑係＜燒黑胡椒吞拿魚＞上枱時朋友仲以為我食牛添(我唔食牛的)，原來係吞拿魚喎，哈哈哈！
呢個黑胡椒吞拿魚好正，新鮮就當然啦，外層佈滿黑胡椒少少熟裡面鮮紅嫩滑，讚。
＜新鮮海蝦. 兩色莎莎＞同樣上枱時應覺好似有Ｄ油，不過食落又唔係，只覺咸了一點，但個Sauce係好味嘅，蝦又大隻，而兩邊在蝦下面的分別係桃和橙，好清新丫，又讚。
＜自家品牌咖啡＞上枱時我同職員話唔要奶和糖，隔了冇耐店長走埋來問我飲過佢地的咖啡未？因為係好濃，由佢地５種咖啡豆個成喎，我咪話未飲過，但濃就啱架喇！哈~~ 我先食咗咖啡上面塊餅，好甜，必定為呢杯啡而設，因為真係好濃，好飲！有分２個Size，我呢杯係Full Size大Ｄ嘅，只係＄２６實在覺得好抵飲。
张贴
