唐宮小聚 (新港中心)

营业中

休息中

公司附近依間“唐宮小聚”，我成日都同同事尼食，因為佢啲野食水準唔錯，又岩我地胃口，食物款式多，有得意，不過份量唔算好多，每人食少少，試唔同野，同同事一齊share，我地幾個女仔都夠食既。見佢近排出左一啲新既點心，晶瑩剔透既綠色蝦餃，叫“翡翠鮮蝦”，好有口感，好彈牙，幾唔錯，不過得晏就先有，唔明點解晚市唔賣。臨走仲叫左個甜品，“冰皮壽桃”， 好香榴槤餡，食到好滿足，中意食cream同榴槤一定要試。佢地啲點心都整得好好好，好吸睛，岩晒影相食先既朋友。