蜜滋麻美

营业中

休息中

之前喺台中飲過呢間蜜滋麻美，當時已經覺得好好飲，見香港冇，臨走時仲特登行幾條街去飲多杯。估唔到而家香港已經開咗分店，而味道同台中冇咩分別，真係好值得去飲。叫咗杯花生黑糖珍珠，面頭有好多花生碎同粉然後係一層奶霜，跟住就係黑糖珍珠，飲落唔會太甜，仲好多嘢可以咬，所以飲一杯其實都幾飽肚，花生迷真係唔可以錯過，啲珍珠都煮得好彈牙，好滿足。朋友係茶達人，叫左杯青心烏龍，佢話茶底幾靚，幾清香，唔會太苦澀，解渴一流，可以加錢要奶蓋，但無簡到。另外，見呢到有茶葉賣，包裝都幾靚，送禮都好似係一個唔錯嘅選擇。