影片
更多
2022-06-22
43 浏览
宜家真係多左好多愛貓人士，雖然我自已無養貓，但我都覺得貓貓好可愛同有趣，好鐘意同貓貓玩。🐱🐱🐱經過上次去左旺角既URBAN CAFE之後，我發現原來一次過見到咁多貓貓，可以同佢地瘋狂打卡係幾咁開心，所以今次我又去左觀塘分店同貓貓玩下。🥰🥰🥰觀塘店面積較大，坐位比較寬敞，而且貓貓數目都多D，食飯既時間貓貓會係腳邊走黎走去，相當得意。呢道除左多貓，食物味道質素都唔差架我地叫左一個二人餐($328):是日餐湯是日沙律滋味2人小食拼盤 +$28東瀛蟹籽芝士咖哩牛肋條飯西班牙燒烤醬烤大豬肋骨芒果酸奶西班牙燒烤醬烤大豬肋骨份量超大碟，豬肋骨烤得岩岩好，肉質豐嫩多汁，加上燒烤醬既香味配搭得好好，最鐘意就係D肉連住骨既位置，爽脆得黎又有咬口，油脂係肉同骨既位置流出，又香又好味。仲有，配碟既薯蓉調配得好好，唔會好膩，愈食愈正。東瀛蟹籽芝士咖哩牛肋條飯因為咖哩既味道好濃但芝士味唔算太濃，反而咁樣個飯無咁膩，芝士作為少少既點綴就可以。牛肋條好腍，牛味一般，但咖哩味道就好入味，整個飯都不錯。滋味2人小食拼盤有魚寶、雞塊同埋脆薯，以價錢黎講的確幾抵食，份量都幾多，雞塊有D似麥樂雞，我自己就好鐘意食啦。芒果酸奶我
經過上次去左旺角既URBAN CAFE之後，我發現原來一次過見到咁多貓貓，可以同佢地瘋狂打卡係幾咁開心，所以今次我又去左觀塘分店同貓貓玩下。🥰🥰🥰
觀塘店面積較大，坐位比較寬敞，而且貓貓數目都多D，食飯既時間貓貓會係腳邊走黎走去，相當得意。
呢道除左多貓，食物味道質素都唔差架
我地叫左一個二人餐($328):
是日餐湯
是日沙律
滋味2人小食拼盤 +$28
東瀛蟹籽芝士咖哩牛肋條飯
西班牙燒烤醬烤大豬肋骨
芒果酸奶
西班牙燒烤醬烤大豬肋骨份量超大碟，豬肋骨烤得岩岩好，肉質豐嫩多汁，加上燒烤醬既香味配搭得好好，最鐘意就係D肉連住骨既位置，爽脆得黎又有咬口，油脂係肉同骨既位置流出，又香又好味。仲有，配碟既薯蓉調配得好好，唔會好膩，愈食愈正。
東瀛蟹籽芝士咖哩牛肋條飯因為咖哩既味道好濃但芝士味唔算太濃，反而咁樣個飯無咁膩，芝士作為少少既點綴就可以。牛肋條好腍，牛味一般，但咖哩味道就好入味，整個飯都不錯。
滋味2人小食拼盤有魚寶、雞塊同埋脆薯，以價錢黎講的確幾抵食，份量都幾多，雞塊有D似麥樂雞，我自己就好鐘意食啦。
芒果酸奶我加左紫米，芒果味道正常，酸奶都偏甜，反而係紫米既味道好好，但食落其實都好飽肚。
最後同左好多隻玩，影左超多相，隻隻都唔同性格好可愛。佢地餵食既時候會一群咁出現，真係好得意。
张贴
