前門飯莊 (已結業)

一嚟到就先由前菜入手啦，叫咗個醉豬手，酒味唔會太濃唔會食落有苦味，而且個豬手相當之入味得來十分之爽口彈牙豬皮嘅位置唔會太肥好好食亦都好多骨膠原，好適合女士補身。再黎左個羹 唔記得左個名 本身我唔食莞莤 但食落又唔會太大味 而且入面有好多一片片好厚既黃魚片 都叫抵食 飲落清清地 暖胃啊 不錯最後為咗送飯就叫咗個蟹粉豆腐，豆腐十分香呀又10分滑溜好好味，佢個汁有蟹味好多蟹肉蟹膏喺裏面，覺得呢間野都做得唔錯值得再返嚟再試嘅。