松屋日本料理 (已結業)

早兩日同班監房同僚一齊午膳, 一行四人但大家竟然係漫無目的咁向銅鑼灣行, 最後終於唔知邊個提議黎呢間食店, 由於師傅從來都冇黎過, 所以一試無防!搭完部慢吞吞嘅(車立), 終於上到食店, 入到去好彩唔使等位; 師傅細看之下發覺並唔旺場, 大把位, 心想銅鑼灣區食晏都唔爆, 會唔會係黑店呀? 但明明同行嘅同僚黎過, 師傅估唔會太差啩!睇左一陣, 大家一致選擇午餐, 而師傅就要左午餐嘅咖哩牛肉飯, 而餐飲就揀左凍咖啡! 等左都幾耐杯凍咖啡先到, 凍咖啡得個凍字, 咖啡唔香唔滑, 仲要苦中帶酸, 味道唔得, 師傅飲左幾啖已經冇飲喇; 咖哩牛肉飯嘅咖哩就好香好辣, 撈飯一流, 而牛肉係肥牛, 可惜勁韌身, 一d都唔好味; 而麵豉湯都幾腥幾咸, 成個定食都係一般啫!總括而言食物質素一般, 服務又係一般, 環境就幾舒服, 價錢就中價啦, 三十六蚊再加一, 最後每人三十九蚊; 如果唔係有班監房同僚帶路, 師傅都唔識黎呢度, 仲有冇下次, 師傅覺得可能性不大, 如果晚市或者可能考慮!