盛八日式燒肉放題店 (已結業)

係尖沙咀返工既人都知lunch time好難搵位，到到都好爆，見到盛八冇人等諗住去試下啦。記得以前都同男友黎過呢到食dinner，除左價錢，整體印象都唔錯架。諗住lunch time黎呢到食應該都ok la, 而且見到個menu都幾吸引，點知......感覺中伏！！ 3個同事，一個叫左牛肉，一個叫左豚肉飯，我就叫左個石鍋芝士蟹肉飯啦。2個同事叫既飯賣相都唔錯，但食落好一般，感覺似食吉野家，最大問題係d飯唔熱.....暖暖地唔知想點。到我個石鍋飯啦，熱就熱啦，但冇味囉，除左個蟹腳同小小芝士汁外，完全冇野食。最後只係食左少少就冇食。曬哂。飯後同事都一致決定唔會再去食lunch！！