花園餐廳 (東廣場) (已結業)

這天同事們沒有什麼主意，所以又黎到同事們的指定飯堂：東廣場的花園餐廳。能成為指定飯堂是因為地方靚、食物好味、價錢合理、近公司。先講地方靚，呢度裝修真係幾靚，地方也清潔企理。食物方面，來到呢度，我都會點芝士海鮮焗意粉，無他因為好味。呢個芝士海鮮焗意粉，海鮮方面相當足料，有墨魚仔、青口、蝦、原隻大凡立貝，以$39 的價錢有咁多海鮮，真係超值。最後係因為近公司，就算好似最近成日落大雨都唔會濕晒身。所以花園能成為同事們的指定飯堂，是有佢嘅原因。