極品煮意 鷄煲.烤魚.火煱 (已結業)

前幾晚同朋友去完葵廣shopping買平衫，見餓餓哋就去返之前食過嘅餐廳食雞煲😋😋😋😋😋，去到餐廳見到隔離枱食酸菜魚，好似仲吸引咁，所以就臨時轉軚嗌酸菜魚嚟試下😂😂雞同埋魚都有唔同煮法，好多花款！等緊上菜嘅時候，我去咗出面拎呢個泡椒雞腳，少少辣！好惹味！一上枱就聞到好香，煮多十分鐘就食得，呢隻酸菜係帶點甜味嘅，同平時食開嘅鹹酸菜有些少唔同，不過同樣開胃好食！魚肉係比較厚實，少骨，我幾鐘意呢個口感！真係勁大條呀！不過兩個人都清得晒！呢到分出去拎食材同埋有部分食材要填紙仔拎！出去拎嘅食材都好多款式，一般打邊爐常見嘅食材都有！有啲肉喺正價時段先供應，我每款各tick咗一碟~~美國安格斯牛最好食，油脂分布唔錯！除咗一般汽水，仲有橙汁同豆漿！唔同款式嘅麵可以任拎，驚你唔飽😂😂原來呢到會每位送一隻蝦，勁勁勁彈牙，又夠晒鮮甜，不過如果要再食就要加$68一碟，我哋見出面仲有咁多嘢食就冇加錢要了！