きっとかつ Kitto Katsu (已結業)

觀塘工廈真係好多好嘢食，今日咁啱嚟呢邊搵朋友，見到Kitto Katsu嘅Menu寫住嘅千層吉列豬好正，一於試下佢！Kitto Katsu主打嘅係戶米豚，鐘意食豬肉嘅朋友就啱晒啦！.➜千層吉列豚 （芝士流心）千層吉列豚咬落香脆多肉汁，滿口嘅肉香帶甜味，芝士流心勁加分，就算唔再點醬汁都好夠味！.➜吉列日本北海道戶米豚朋友話要唔想要Buger但又想要薯條，店員都好好幫我哋入廚房Remark！吉列戶米豚咬落仍然好多汁，唔會因為成塊扒拎去炸所以變乾。.仲有幾款醬汁可以點吉豬～.➜夕燒呢度嘅飲品絕對係又靚又好飲！咖啡香味加埋酸甜嘅橙汁，清爽得嚟又好夾，唔會畀橙汁搶走風頭.➜富士山一邊飲一邊攪勻，海鹽奶泡嘅牛奶香味慢慢咁流落梳打入面，既清爽又帶有香甜嘅味道。