吉壽日本料理 (已結業)

朋友生日想無拘束咁不停食，所以我地就揀左食日式放題，貪佢價錢唔貴又多菜式選擇，而今次就試下吉壽日本料理，睇下佢正唔正。首先一入到去已經見到有令人食指大動嘅沙津Bar、一盤盤簡單冷熱小食和飲品櫃整齊排列著，俾曬signal我地要開始任飲任食喇！沙津Bar簡單冷熱小食飲品櫃當晚大家咁開心就梗係想飲翻兩杯，同壽星賀下壽啦，吉壽除左有啤酒、水果罐裝酒，還有日本清酒和梅酒俾大家揀，好正！食日式放題第一時間就梗係叫刺身食，我地分別叫左三文魚、甜蝦、北寄貝、鮑片、帆立貝、呑拿魚等等。其中我好鍾意佢啲三文魚同帆立貝，因為兩款都好鮮甜肥美，而朋友就鐘意鮑片，覺得佢食落唔「鞋」唔韌，亦十分新鮮好味。而熱食和炸物我地都試咗唔少，其中大推：鬆脆炸蝦天婦羅入味唔韌燒牛舌滋味牛油雜菌大隻無沙清酒煮蜆新鮮炸起的芝麻雞翼和蕃薯波波最後當然唔少得甜品啦，除左有Brownies、木糠布甸、豆腐花等細細件嘅蛋糕甜品，仲有成個雪櫃嘅雪糕雪條任君選擇，真係十分滿足！