影片
更多
2014-02-26
18101 浏览
吉壽係號稱全香港最大既日式放題餐廳, 全場共有500多個坐位! 今晚兩個人黎食, 一出lift已經見門口塞滿晒人. 由於已訂位, 等幾分鐘就入得.坐位同枱比較狹窄, 不過旺角區既放題已係意料中事.直入正題講食物:例行公事刺身拼盤:拼盤賣相唔係咁得....不過我見隔離6人枱個刺身拼盤成條龍舟閃晒咁款, 就知道係因為我地得兩個人, 而且又叫得少既關係. 不過算啦鬼叫我地咁環保咩. 三文魚, 玉子同鮑片都幾好食, 甜蝦,帶子, 螺肉普普通通, 魷魚(墨魚)就有驚喜! 我一向唔鍾意食墨魚刺身, 不過呢度D墨魚刺身好甜好好食!芝麻八爪魚仔好大隻好好食! 沙律可以pass.鐵板牛柳粒黑椒味幾好, 可惜牛肉本身有D雪味. 地獄汁魷魚鬚味濃唔錯.香辣豬手炒蜜糖豆太鹹了..放題例牌一叫, 牛油炒栗米同大喜屋如出一轍, 牛油味香栗米甜.卷物(凱旋卷, 芝士鰻魚卷, 芝味蝦卷): 3樣都出奇地唔錯! 飯量適中並沒有"質"飽你的惡意, 有"非放題"日式餐廳水準.燒羊架: 全晚其中一樣好食既野. 燒得恰到好處, 唔乾又有肉汁. 回本必需品.芝麻雞亦: 另一樣好食既野! 其實係芝麻炸雞亦, 香口又冇炸過龍. 真正
坐位同枱比較狹窄, 不過旺角區既放題已係意料中事.
直入正題講食物:
例行公事刺身拼盤:拼盤賣相唔係咁得....不過我見隔離6人枱個刺身拼盤成條龍舟閃晒咁款, 就知道係因為我地得兩個人, 而且又叫得少既關係. 不過算啦鬼叫我地咁環保咩. 三文魚, 玉子同鮑片都幾好食, 甜蝦,帶子, 螺肉普普通通, 魷魚(墨魚)就有驚喜! 我一向唔鍾意食墨魚刺身, 不過呢度D墨魚刺身好甜好好食!
芝麻八爪魚仔好大隻好好食! 沙律可以pass.
鐵板牛柳粒黑椒味幾好, 可惜牛肉本身有D雪味. 地獄汁魷魚鬚味濃唔錯.
香辣豬手炒蜜糖豆太鹹了..
放題例牌一叫, 牛油炒栗米同大喜屋如出一轍, 牛油味香栗米甜.
卷物(凱旋卷, 芝士鰻魚卷, 芝味蝦卷): 3樣都出奇地唔錯! 飯量適中並沒有"質"飽你的惡意, 有"非放題"日式餐廳水準.
燒羊架: 全晚其中一樣好食既野. 燒得恰到好處, 唔乾又有肉汁. 回本必需品.
芝麻雞亦: 另一樣好食既野! 其實係芝麻炸雞亦, 香口又冇炸過龍. 真正皮脆肉嫩, Good!炸蠔: 蠔細隻左D, 不過不失. 可以一叫.
紫心香芋丸: 竟然係全晚最好食既野..芋頭味香, 芋丸皮煙韌口感一流!服務方面:
漏單嚴重, 但店員服務態度值得一讚. 每個店員都忙到出煙, 但係你同佢要熱水, 追單都立即幫忙! 就算漏單, 你肯出聲問就有, 所以問題不大.
张贴
