Mister Donut

营业中

休息中

每次經過都排曬長龍，想買又唔想浪費太多時間排隊。點知上星期五15:20分冇乜人，難得唔使排隊就買到，當然要試下啦！每人限購10件冬甩（波提限購4件），付款方式有八達通/支付寶/微信/visa卡。當日只想買一件試下，我鐘意食吉士醬，所以買左吉士忌廉冬甩。買一件會用紙袋裝，可以拎住即刻食。⭐吉士忌廉冬甩$20size比想象中細，吉士醬偏甜膩，頭一兩啖冇乜醬，食到剩三分之一先爆餡，麵包算鬆軟，但食唔出有咩特別。整體而言好普通，味道冇驚喜，食完冇滿足感。呢個價唔算貴，但我寧願比多少少買西樹泡芙食。下次我試下佢地最經典嘅波提，如果波提唔好食，其他應該唔洗試。