吉士咖啡店 (已結業)

賓尼迪蛋 2.0😚一個整得好靚既egg benedict，有英式鬆餅、水波蛋、牛油果、煙三文魚、特製荷蘭醬，牛油果整到好似玫瑰花咁放喺焗到脆晒嘅英式鬆餅上面，另一塊英式鬆餅上面就有煙三文魚同埋流心嘅水波蛋，牛油果醬好濃，同鬆餅好夾，煙三文魚同水波蛋都係鬆餅嘅絕配，口感超豐富，再加埋酸酸甜甜嘅荷蘭醬同埋一啲穀物碎，超級好食！川辣雞絲忌廉意粉🫣意粉好掛汁，好濃忌廉味，一個好稠嘅忌廉汁，非常滑身，好濃味，雞絲亦都真係辣辣地，都唔會鞋口，成個味道反而都幾夾！