吉士咖啡店 (已結業)

川辣雞絲忌廉意粉🫶🏻一個味道好有層次嘅意粉，雞絲真係辣辣地，係有啲麻辣嘅感覺，雞肉係好嫩嘅，而意粉就真係好香忌廉味，好滑，唔會太硬太淋，煮得好好，一個fusión既意粉呀！煙三文魚芝士滑蛋吐司🫰🏻呢個吐司唔係太大個，但係都焗到好脆，麵包入邊都仲好軟綿綿，吐司上面就放咗好多嘅煙三文魚，亦都有芝士同滑蛋，加埋一齊好滑，口感好好，另外仲有啲炒香咗嘅菇去做伴碟，非常唔錯！抹茶鮮奶🤟🏻一個好香濃嘅抹茶鮮奶，抹茶味好重，但完全都唔會覺得苦澀，鮮奶亦都好滑好香，成杯唔會太甜，反而係有淡淡既奶香，好好飲！巨峰提子🤞🏻一個整得好好嘅巨峰提子梳打，梳打水係泰國嘅嗰隻牌子，特別好飲，提子汁亦都唔會太甜，冇加工，真係新鮮嘅果汁，凍凍地，好舒服！