月爐．端燒

旺角有間日式居酒屋叫"月爐．端燒"，餐廳裝修充滿日本居酒屋風格，設有吧枱座位，可以望住師傅邊煮邊食，一次過滿足哂視覺和味覺。二樓雅座設有榻榻米座位，一大班人聚餐暢飲都可以😚。

是日妹中午到訪，品嚐佢地嘅午市定食套餐。

脆炸吉列芝士豬扒定食🍱
吉列豬扒大大塊，炸到金黃色，外脆肉嫩，香脆可口，中間夾住芝士，芝士呈流心拉絲，邪惡之極🤤。
沙律菜超fresh🥗，配日式麻醬冇得輸；茶碗蒸雞蛋幼滑，配料有菇🍄‍🟫、蟹肉🦀、嗚門卷🍥；套餐跟沙律、茶碗蒸、麵豉湯，仲可以半價加配無酒精飲品。