影片
更多
2022-08-11
162 浏览
今日收工去左OpenRice人气高企位于旺角弥敦道既吉列牛忌廉乌冬专门店食返个晚餐先。餐牌有主食，套餐，釜饭，涮涮锅，小食同饮品。今日例牌叫左一个套餐，已经包左两款招牌菜同两支汽水，另加一个饭同一份小食。套餐系吉列牛定食 + 咖哩忌廉乌冬（小辣）+ 2汽水，价钱$256另加一。吉列牛定食 吉列牛系来自韩国嘅菜式，绝对系必食之选。牛肉系美国牛里脊肉，今次系两细块，上枱时已经系3成熟，可以每边烧2秒至半熟，或者等你自己喺个炉仔上面烤到自己钟意嘅熟度先入口。牛肉明显见到中间系生肉嘅深红色，外围就系粉红色。牛肉烧熟啲都唔会韧，肉质唔错。跟吉列牛有蒜味沙律酱同甜酸烧肉汁等你点，仲有wasabi，个人最钟意蒜味沙律酱，因为令到块牛更香滑。伴碟有少量胡麻酱梛菜丝沙律。定食包两款前菜，分别系一粒车厘茄切开两半加左胡麻酱同一细砖加左胡麻酱嘅豆腐。仲跟一碗白饭，上面撒满饭素，同一碗正常有昆布既味噌汤。咖哩忌廉乌冬招牌咖哩忌廉乌冬系另一必食之选。大碗乌冬上面满布白色忌廉同少少葱花。忌廉同咖哩香加埋原来好滑又唔太腻，味道其实系日式咖哩既甜甜地，好好食。餐牌写明小辣，但系我觉得基本上完全唔辣。赞岐乌冬系粗身而有
餐牌有主食，套餐，釜饭，涮涮锅，小食同饮品。今日例牌叫左一个套餐，已经包左两款招牌菜同两支汽水，另加一个饭同一份小食。
套餐系吉列牛定食 + 咖哩忌廉乌冬（小辣）+ 2汽水，价钱$256另加一。
吉列牛定食
吉列牛系来自韩国嘅菜式，绝对系必食之选。牛肉系美国牛里脊肉，今次系两细块，上枱时已经系3成熟，可以每边烧2秒至半熟，或者等你自己喺个炉仔上面烤到自己钟意嘅熟度先入口。牛肉明显见到中间系生肉嘅深红色，外围就系粉红色。牛肉烧熟啲都唔会韧，肉质唔错。
跟吉列牛有蒜味沙律酱同甜酸烧肉汁等你点，仲有wasabi，个人最钟意蒜味沙律酱，因为令到块牛更香滑。伴碟有少量胡麻酱梛菜丝沙律。定食包两款前菜，分别系一粒车厘茄切开两半加左胡麻酱同一细砖加左胡麻酱嘅豆腐。
仲跟一碗白饭，上面撒满饭素，同一碗正常有昆布既味噌汤。
咖哩忌廉乌冬
招牌咖哩忌廉乌冬系另一必食之选。大碗乌冬上面满布白色忌廉同少少葱花。忌廉同咖哩香加埋原来好滑又唔太腻，味道其实系日式咖哩既甜甜地，好好食。餐牌写明小辣，但系我觉得基本上完全唔辣。赞岐乌冬系粗身而有少少嚼劲同劲滑，好好味。其他配料有唔少牛肉粒，都算几腍吓，另外仲有洋葱。
流心蛋韩式牛肉饭 $78 另加一
流心蛋韩式牛肉饭大大碗，饭面有10块肥牛同洋葱丝，中间一只大大温泉蛋，可以整穿就有蛋汁捞饭，上面洒上白芝麻粒同葱花。甜豉油份量够多，饭唔干。食完实饱肚。
韩式甜辣酱单骨鸡翼 $68 另加一
韩式甜辣酱单骨鸡翼一客5只，鸡翼单骨好易食。鸡翼块皮少少脆，味道甜甜地，食落完全唔辣，落到喉咙先有少少辣，上面洒上白芝麻粒。
餐饮可加钱升级其他饮品。
热韩国蜂蜜红枣茶 跟餐加$8 另加一 冻韩国蜂蜜红枣茶 跟餐加$13 另加一
韩国蜂蜜红枣茶下底有好多红枣碎，饮落味道带淡淡红枣味，完全唔甜。冻同热味道都差唔多。
今餐饭食完都够饱呀，上菜快速，效率高。
张贴
