京都勝牛 (MONTEREY Place) (已結業)

吉列豬扒見得多. 吉列牛比較少見. 喺日本京都都少見.午市晚市同價. 晚餐性價比較高.香脆炸里脊豬排套餐. 應該係勝牛主打嘅菜式. 皮脆肉嫩. 肥瘦適中. 好食嘅. 可惜唔突出. 其他豬扒店都做到呢個質素. 另外芝麻唔夠香.鮮嫩炸豬柳套餐. 相對里脊豬排瘦少少. 都合格.元祖炸牛排套餐. 牛肉仲喺生生哋. 餐廳提供咗煎板. 可以自己煎熟少少. 點日本芥辣食. 食法幾特別.套餐嘅白飯, 椰菜, 麵豉湯無限添加. 麵豉湯其實幾好飲. 椰菜都幾好食, 不過支沙律醬非常之難倒出嚟.總結一下: 食物OK. 吉列牛少見, 可以一試. 豬扒穩陣好食.