吉列牛忌廉烏冬專門店 (百樂中心) (已結業)

聽過吉列牛好多次，今日行過銅鑼灣知道附近有間餐廳叫做吉列牛忌廉烏冬專門店，咁就梗係要試吓佢哋嘅吉列牛同忌廉烏冬啦🤣💚吉列牛定食呢個定食有湯、沙律、凍豆腐、吉列牛同白飯，再連埋一個小小嘅熱石板，全部前菜都正常質素，吉列牛係切件上，塊牛大概係rare咁上下，客人可以用個小石板燒吓先食，生熟程度自己話事，外面嘅炸皮唔會好厚但係好脆，可以同wasabi或者沙律醬食，同個牛都幾夾。💚咖喱忌廉牛肉烏冬一見到碗咖喱忌廉烏冬有啲嚇親，因為啲忌廉多到鋪滿成個碗面，望落好肥好膩咁，而且想像唔到醎嘅咖喱同甜嘅忌廉撈埋一齊係咩味，好老實講就算撈埋之後望落都仲係好奇怪，但係食落又完全唔覺得怪，仲幾好味，味道甜甜地，口感好順滑，有少少食到停唔到口🤣💚雞軟骨餃子餃子炸到金黃色，皮薄同脆，入面有攪碎嘅雞軟骨同豬肉，點醋嚟食令到食落冇咁油膩。味道: 🌕🌕🌕🌖🌑服務: 🌕🌕🌕🌗🌑環境: 🌕🌕🌕🌖🌑價錢: 🌕🌕🌕🌖🌑－－－－－－－－－－－－📍 吉列牛忌廉烏冬專門店 (百樂中心) (銅鑼灣)銅鑼灣耀華街3號百樂中心22樓－－－－－－－－－－－－